Uppskeruhátíð 17. júní

Líkt og undanfarin ár hélt félagið upp á uppskeruhátíð sína á 17. júní. Dagskrá hófst með upphitun fyrir Kvernár- og Grundarhlaupi að Grundargötu 30 kl. 9:45. Grundarhlaup var ræst út kl. 10:00, en breyting var gerð á hlaupinu í fyrra þar sem ákveðið var að hlaupa fram og til baka. Það var einnig gert í ár. Alls tóku 12 manns þátt í hlaupinu og sigraði Kristján Pétur Runólfsson hlaupið í ár. Þegar hlauparar voru komnir áleiðis til baka var ræst út Kvernárhlaupið en það var hlaupið frá afleggjaranum að Kverná að Grundargötu 30. Alls tóku 18 manns þátt í Kvernárhlaupinu. Arney Erla Júlísdóttir og Kristín María Magnúsdóttir komu báðar á sama tíma í mark og deila þær því sigrinum. Að lokum var þreyttum hlaupurum boðið upp á ávexti.

Eftir að hlaupið hófst sundmót félagsins þar sem 8 iðkendur tóku þátt. Gaman var að sjá að margir iðkendur bættu tímana sína á milli ára. Kristín Halla sá um bæði hlaupin og sundmótið og þökkum við henni kærlega fyrir það.

Félagið bauð svo iðkendum og fjölskyldum upp á pylsur og safa ásamt því að gefa öllum iðkendum félagsins flískraga með merki félagsins. Eftir grillið voru veitt verðlaun fyrir hlaupin og sundmót.

Stjórn félagsins ákvað að taka aftur upp hvatningarverðlaun og veita viðurkenningar fyrir bestu mætingu og mestu framfarir á árinu. Allir sem hlutu viðurkenningar fengu merktan eignarbikar.

Hér að neðan er samantekt á hverjir fengu viðurkenningar:

Badminton

Besta mæting: Kjartan Alexander

Mestu framfarir: Einir Hugi

Blak

Besta mæting: Oliwia

Mestu framfarir: Hrafney Dóra

Frjálsar

Besta mæting: Birgir Leifur

Mestu framfarir: Markús Örn

Rafíþróttir

Besta mæting: Ölnir Þorri

Mestu framfarir: Polina

Fótbolti

Besta mæting: Alexander Guðni

Mestu framfarir: Kacper

Fimleikar

Besta mæting: Aþena Kristín

Mestu framfarir: Berghildur

Til hamingju með viðurkenningarnar.

Við viljum þakka Kjörbúðinni fyrir ávextina í hlaupinu og Mæstro fyrir safann í grillinu.

Þeir iðkendur sem eiga eftir að fá flískraga í gjöf geta haft samband við Ingibjörgu Eyrúnu.

Hlauparar að hita upp fyrir hlaupin

Ræst af stað í Grundarhlaup

Kristján Pétur kom fyrstur í mark í Grundarhlaupi

Hlauparar að loknu hlaupi

Ölnir og Pálmi að koma í mark eftir Grundarhlaup

Hafþór Andri og Runólfur að koma í mark að loknu Kvernárhlaupi

Frænkurnar Harpa Rún, Glódís Heiða og Sara Dís, ásamt Þórey og Heimi Þór

Steinar Freyr, Hilmar Örn og Sævar Hjalti að koma í mark eftir Grundarhlaup

Vinirnir Julian og Baldur Freyr að koma í mark eftir Kvernárhlaup

Hressir hlauparar að loknu Grundarhlaupi

Sævar Hjalti og Ísabella Ósk að koma í mark í Grundarhlaupinu

Lilja og Brynjar hlupu Kvernárhlaupið

Verðlaunaafhending fyrir Kvernárhlaupið

Oliwia að taka við viðurkenningu fyrir bestu mætingu í blak í vetur

Alexander Guðni að taka á móti viðurkenningu fyrir bestu mætingu í fótbolta í vetur

Polina fékk viðurkenningu fyrir mestu framfarir í rafíþróttum

Verðlaunaafhendin fyrir Grundarhlaup

Ölnir Þorri fékk viðurkenningu fyrir bestu mætingu í rafíþróttir í vetur