Alexandra og U18 landsliðið landaði gulli

Alexandra Björg tók þátt í Evrópumóti Smáþjóða í U18 aldursflokki í Dublin á dögunum. Stelpurnar spiluðu mjög vel á mótinu og kepptu úrslitaleik á móti Færeyjum eftir að stelpurnar höfðu unnið alla sína leiki á mótinu. Ísland vann leikinn 3-1 og lönduðu þær gulli á mótinu og komast þær því áfram á EM í júlí í sumar.

Við óskum Alexöndru Björgu og stelpunum í landsliðinu til hamingju með árangurinn og hlökkum til með að fylgjast með þeim á EM í sumar.

Það er frábært að fylgjast með iðkendum okkar vaxa í blaki. Þessi árangur hjá Alöxöndru eru sönnun þess að blakið er á hraðri uppleið og verður gaman að fylgjast með yngri iðkendum okkar í náinni framtíð. Ekki skemmir fyrir að hafa fyrirmynd eins og Alexöndru í blaki.

Alexandra með gullpeninginn sinn og bikarinn sem Ísland hlaut

Landsliðshópurinn sem tók þátt í Smáþjóðaleikunum

Alexandra með alla verðlaunagripina sem hún hefur hlotið í byrjun árs fyrir góðan árangur í blaki