Víkingur Ó í úrslit

Grundfirðingarnir Reynir Már Jónsson og Haukur Smári Ragnarsson hafa verið að spila í sumar með meistaraflokki Víkings Ólafsvíkur. Um síðastliðna helgi mættu þeir Gróttu á Seltjarnarnesinu þar sem Víkingsmenn unnu leikinn í vítaspyrnukeppni. Víkingur Ólafsvík mun því mæta Tindastóli í úrslitum á Laugardalsvelli föstudaginn 26. september næstkomandi kl. 19:15.

Reynir Már og Haukur Smári hafa alla tíð spilað fótbolta hér á nesinu, á yngri árum æfðu þeir hjá UMFG og síðar hjá Víkingi Ólafsvík. Það sannar sig enn og aftur að Snæfellsnes samstarfið skiptir sköpum í fótboltanum hér á nesinu. Strákarnir eru einnig góðar fyrirmyndir fyrir yngri iðkendur.

Við viljum hvetja sem flesta til að fara á leikinn á föstudaginn og styðja strákana okkar og Víking Ólafsvík til sigurs.