Góð mæting á landsleikinn

Mánudaginn 13. október bauð félagið iðkendum og aðstandendum upp á að horfa á landsleik Íslands og Frakklands í Samkomuhúsi Grundarfjarðar. Félagið bauð upp á popp og djús og hægt var að kaupa pizzusneiðar frá Kaffi 59 á staðnum. Vel var mætt á viðburðinn en alls voru um 50 manns samankomnir að horfa á leikinn. Mikil stemning var í salnum og ekki skemmdu úrslit leiksins fyrir, 2-2. Margir iðkendur okkar fóru einnig á leikinn á Laugardalsvelli. Yngsti hópurinn gat svo setið og litað fótboltamyndir á meðan á leiknum stóð.

Viðburðir sem þessir þjappa hópinn saman og skapa skemmtilega stemningu og minningar.

Áfram UMFG - Alltaf!

Horft yfir salinn

Gyða stóð vaktina

Hér má sjá fagnaðarlætin við fyrra mark Íslands