UMFG á Öldung

Dagana 30. apríl til 2. maí fór Öldungur fram á Akureyri. Keppt var í KA heimilinu og Boganum. Frá félaginu fór eitt kvennalið sem spilaði í 4. deild keppninnar. Á mótinu var Aldamótaþema og voru keppendur í klæðnaði í samræmi við þemað. Stelpurnar stóðu sig mjög vel og sigruðu deildina og spila því í 3. deild á næsta ári.

Það er gaman að segja frá því að eitt kvennalið og eitt karlalið fór frá Víkingi á mótið og lönduðu stelpurnar 2. sætinu og strákarnir 1. sætinu í sinni deild. Einnig fór Snæfell með tvö karlalið á mótið og enduðu liðin í 1. og 2. sæti í sinni deild.

Snæfellingar voru því sigursælir á mótinu og er óhætt að segja að blakbakterían sé búin að breiða úr sér um nesið.

Næst á dagskrá er síðasti hluti Íslandsmótsins í blaki í U12 og U14 flokki sem haldið verður í Grundarfirði og Ólafsvík helgina 15. - 17. maí nk.