Vel heppnuð uppskeruhátíð

umfgrund
Jun 18
2 min read

Árleg uppskeruhátíð félagsins var haldin í gær 17. júní. Dagskrá hófst kl. 9:45 við Grundargötu 30 þar sem upphitun hófst fyrir Grundarhlaup og Kvernárhlaup. 56 keppendur tóku þátt í hlaupunum að þessu sinni og er það töluverð fjölgun frá fyrri árum. Veðrið var gott en svolítið vindasamt svo Grundarhlaupið var nokkuð strembið þar sem hlaupa þurfti á móti vindinum helming leiðarinnar. Keppendur létu það ekki á sig fá og voru yngstu keppendur á sjöunda ári á meðan sá elsti var 60. ára. Það er ánægjulegt að sjá að allur aldur er að taka þátt í viðburðum á vegum félagsins. Kjörbúðin styrkti félagið um ávexti fyrir hlaupið og bauðst hlaupurum að fá sér hressingu fyrir og eftir hlaup.

Keppendur sem tóku þátt í Grundarhlaupi. Hlaupið er 5 km.

Keppendur í Kvernárhlaupi - hlaupið er 1,25 km.

Sigurvegarar í Grundarhlaupi:

1.sæti - Guðni Berg

2.sæti - Gunnar Andri

3.sæti - Almar

Sigurvegarar í Kvernárhlaupi:

1.sæti - Hafþór Andri

2.sæti - Emil Orri

3.sæti - Aþena Kristín

Þegar að hlaupin voru búin var haldið upp í sundlaug þar sem 17. júní sundmót félagsins var haldið. 16 keppendur kepptu að þessu sinni og er það einnig fjölgun frá fyrri árum.

Síðan tók við pylsugrill í boði félagsins og safar í boði Mæstro. Þá fengu allir iðkendur félagsins gjöf frá félaginu. Þeir sem ekki voru viðstaddir geta haft samband við Ingibjörgu og fengið gjöfina sína.